أكبر عقاب ممكن تعاقبه لشخص مقدرش قيمة وجودك فى حياته ، أو مطلعش جدير بثقتك ، هوا إنك تمشى و تسيبه و تنسحب تماما من حياته ، مادام عاتبته مرة ، و إتنين ، و تلاتة و مفيش فايدة ، يبقى إمشى و ضميرك مستريح ،
إحرمه من نعمة وجودك فى حياته ، إحرمه من الضحكة إللى كان بيضحكها معاك ، إحرمه من نظرته ليك ، إحرمه من جدعنتك ، إحرمه من الكتف إللى كان بيسنده فى وقت ضعفه ، إحرمه من إحساس الراحة إللى كان بيحسها لما يفضفض معاك ،
سيبه يروح يتعرف على ناس تانية ، و سيبه يفرح بالبدايات معاهم لإن البدايات دايما مش مقياس كلها تمثيل و أقنعة ، كل ما يعرف ناس أكتر ، و يتعمق معاهم كل ما هيعرف قيمتك أكتر ، خليه يتفرج على أصدقاء المصلحة ، و الناس إللى لابسة وشوش ،
إمشى و سيبله الذكريات و هى كفيلة تعرفه قيمتك ، و الأيام هتلف و هيدرك إنه خسر حاجة غالية أوى ، مش شرط إنه يجى يعترفلك إنه مفتقد وجودك فى حياته ، بس كفاية إنه بينه و بين نفسه ، هيبقى متأكد إنه خسرك ...
[ندعوك للتسجيل في المنتدى أو التعريف بنفسك لمعاينة هذا الرابط]1
